Dimanche 18 Août, 2019

Anbyans Gede 2018 nan simetyè Pòtoprens

Gede 2018 à Port-au-Prince/ Photos: Luckenson Jean/ Loop Haiti

Gede 2018 à Port-au-Prince/ Photos: Luckenson Jean/ Loop Haiti

Mouchwa, gode, chandèl, chante, danse... jan sa toujou konn ye, anbyans lan te chofe nan simetyè Pòtoprens pou Gede lane 2018 sila, jou ki te premye ak 2 novanm lan. Anpil makiyaj, youn pi kaptivan pase lòt, te fè klenklen. Fanm kou gason te reponn prezan, yo te bèl e yo t ap viv ak anpil emosyon moman sila.

Tankou nan tout evènman, chak moun ki te la yo te vin regle zafè pa li : si genyen ki te vin pou depoze jèb flè nan pye moun pa yo ki te mouri, gen lòt ki te vini pou vann machandiz, paske nan jou sa a, gen anpil bagay moun yo achte, sitou bwason pou lè solèy la koumanse monte. Gen lòt moun tou ki te la jis pou yo rankontre ak yon gangan/manbo, pou mande l fè ti limyè pou yo.

Loop Haiti te la. N ap envite w gade kèk foto nou te pran.

Gede à Port-au-Prince 2018

Se te yon moman rankont tou. Anpil moun ki pa t kwaze depi kèk tan, tou pwofite moman sila pou yo fè akolad epi bay ak pran nouvèl nouvèl youn lòt. Loop te fè yon videyo an dirèk sou Facebook, pou ede w viv kijan anbyans lan te ye nan simetyè kapital la, pandan premye jou fèt mò yo. Nou espere w gade l.

 

Recevez gratuitement les dernières nouvelles d'Haïti et d'ailleurs directement sur votre téléphone en téléchargeant l'App de Loop News :